Pruverbii corsi
A B C D E F G H I J L M N O P Q R S T U V W X Y Z
Issu listinu comporta attualmenti 526 pruverbii. I vosci cuntribuzioni sò benvinuti.
A
- À a fica zemba, tuttu u mondu s'arremba.
- A bacia t'hà l'anchi corti. (Azilonu)
- A bocca chjusa, nè moschi nè bonbucconi. (Azilonu, Frassetu)
- A bocca chjusa, nè pani nè bonbucconi. (Frassetu)
- A botta vechja faci u bon' vinu. (Pila)
- A casa piglia, a casa rendi. (Frassetu)
- A casa ind'eddu un ghjugni u soli, ci ghjugni u duttori. (Azilonu)
- A Casalta bellu paese quandu l'aliva stà appesa. Sè l'aliva si ne casca, disgraziata a Casalta. (A Casalta d'Ampugnani)
- A cavaddu dunatu, un fidià denti. (Frassetu)
- A chì campa n'ha da veda. (Azilonu, Frassetu)
- A chi dormi un piglia pesci. (Azilonu, Frassetu, Lugu-di-Nazza)
- À chì faci u passu più maiò ch'è a ghjamba, casca. (Aiacciu)
- A chì fussi induvinu, un saria mai mischinu. (Aiacciu, Ghjannucciu)
- A chì ha mangnatu u meli t'hà l'abba in capu.
- À chì hè causa di u so mali, piegni à sè stessu.
- A chì l'attempa a perdi. (Coti-Chjàvari, Frassetu)
- A chì l'hà in culu l'ha in casa. (Azilonu, Frassetu)
- A chì la fuma, à chì la pippa. (Merusaglia)
- À chì male un face paura un ha.
- À chì nasce bella, nasce maritata.
- À chì nasce sumere un diventa cavallu.
- À chì nascì, à chì nascitiò!
- A chì mali vivi, mali mori. (Zèvacu)
- A chì mangna u pani di u preti, bisogna à dibbità lu. (Quenza)
- A chi mori, à chi s'allarga. (Azilonu, Frassetu)
- A chi para fritu, para caldu. (Laretu-di-Tallà)
- À chì pesa a petra, piglia l'anguilla.
- À chì s'aiuta hè galant'omu.
- A chi stanta, à chi scurnochja. (Frassetu)
- A chì stughji un perdi tempu. (Azilonu)
- A chì t'ha culu, tira peta. (Ghjannucciu)
- A chì t'hà dui casi In una ci piovi. (Azilonu, Frassetu)
- À chì teni, à chì scurteca, a colpa hè a listessa.
- A chì troppu si cala, u culu vi mostra. (Frassetu)
- A chì ùn arrisica ùn arrùzzica. (Azilonu, Frassetu)
- À chì ùn hà ca un ochju, suventi u si tocca.
- A chi un hè beddu di natura Un vali lavatura. (Zicavu)
- A chì un ni hà, un ni mangna. Sé tu voli a farina Va à coglia a castagna. (Azilonu)
- A chì ùn pò batta u cavallu, batti a sella.
- A chi un sa piantà, pianta di nuvembri. (Azilonu, Frassetu)
- A chi va forti, va à la morti. (Laretu-di-Tallà)
- À chì vivi incù u zoppu, à u capu di l'annu hè zoppu è mezu.
- À chì vò bè figlioli, cumencia per une femina.
- À chi vole serve l'amicu, faci i punti longhi un ditu. (San Lurenzu)
- A còcciula di trè Un andò nè mali nè bè. (Azilonu) A "còcciula"= beignet au brocciu
- A cumpagnia porta l'omu à a forca. (Frassetu)
- A donna di u vicinu hè più bedda cà a soia. (Pila)
- A donna faci l'omu. (Lugu-di-Nazza)
- A fami faci escia u lubbu di a tana. (Laretu-di-Tallà)
- A festa d'Àmpaza passa. (Azilonu)
- A forza di tirà a corda strappa. (Azilonu, Frassetu, Laretu-di-Tallà)
- A forza d'impittà S'impara à marchjà. (Frassetu)
- A Frassetu e à Tavera, un dì "cuppa" sò muntoni. (Azilonu)
- À gativu marinare tutti i venti li vanu in culu. (San Lurenzu)
- A ghjara cresci ma a forza manca. (Frassetu)
- A ghjastema si rivolta. (Frassetu)
- A ghjastema volta e ghjira Volta in capu à chi la tira. (Azilonu)
- A ghjatta magra, a donna grassa Sò a vargogna di a casa. (Frassetu)
- À l'Avapessa u diavule si cunfessa. (San Lurenzu)
- A la fini di tanti guai Un lucchesi un manca mai. (Azilonu, Frassetu)
- A lingua ossu un hà e ossu tronca. (Azilonu, Frassetu)
- Alternative 1: A lingua un hà ossa ma i faci rompa. (Ghjannucciu)
- A lu lumu di la deda, cannavacciu pari tela. (Azilonu)
- A luna: in vintinovi ùn ferma è in trenta ùn va. (Laretu di Taddà)
- A machja, ochji un ha ma ochji teni. (Frassetu)
- A manu dritta ùn devi sapè ciò ch'è faci a manu manca.
- A matina leone, a sera cuglione. (San Lurenzu)
- A misura ancu indi l'acqua.
- A paura faci truttà a mula.
- A pratica vinci a grammatica. (Cuzzà)
- A più bedda risa hè quidda chi esci da a bocca di l'addulurati. (Frassetu)
- A quandu Pasqua, à quandu tasca. (Laretu-di-Tallà)
- A raghjoni hè a toia è a capra hè a meia. (Azilonu, Frassetu)
- A raghjoni hè verbali. (Azilonu)
- A règula ci sta bè, ancu in casa di u rè. (Ghjannucciu)
- A risa sta in bocca à i pazzi.
- A ropa pulita ùn s'imbrutta micca. È ancu a ropa brutta ùn s'imprutta omu micca.
- A rumbu d'impittà S'impara à viaghjà. (Var:À forza...) (Laretu-di-Tallà)
- A strada bedda un hè mai longa. (Zèvacu)
- A tola e à lettu, alcunu rispettu. (Frassetu)
- A un bon' cani si dà un bon ossu. (Azilonu, Frassetu)
- A u pocu e à l'aspissu si sbiota u boscu. (Laretu-di-Tallà)
- À u vescu un s'ampara micca l'Ave Maria. (San Lurenzu)
- A vigna dici à u patronu :fà mi pòvara e ti faraghju riccu. (Azilonu, Frassetu)
- A vita hè una affaccata di balconu. (Frassetu)
- Alternative 1: A vita hè una affaccata à u purtellu. (Lugu-di-Nazza)
- A volpi perdi u pelu ma micca u viziu. (Azilonu, Frassetu)
- Accantu u focu, a paglia ci stà mali. (Frassetu)
- Alternative 1: Accantu u focu, a scopa ci stà mali. (Frassetu)
- Alternative 2: Accantu u focu, a stoppa ci stà mali. (Frassetu)
- Aceddu in cabbia S'eddu un canta d'amori, canta di rabbia. (Frassetu)
- Afà, à chì codda quà ùn sa cosa fà.
- Aghji fedi è Diu pruvvèdi. (Azilonu)
- Agnellu pasquale, caprettu in Natale.
- Aiacciu, Aiacciu, chì ùn vi ni ghjungni, ùn vi ni caccia. (Laretu-di-Tallà)
- Aiuta ti, Diu t'aiuta. (Frassetu)
- Alliscia a mamma par avè a figliola. (Frassetu)
- Amori e signuria un volini cumpagnia. (Frassetu)
- Ampaza, a trava
- Ampaza, niccia niccia, par un soldu edda si piccia. (Azilonu)
- Ancu a pulgia t'ha a tossa. (Frassetu, Lugu-di-Nazza)
- Ancu l'onori sò castighi. (Frassetu)
- Annata d'erba, annata di merda. (Frassetu, Laretu-di-Tallà)
- Aostu seccu, castagna par ogni ceppu. (Frassetu)
- Appiettu, calci è pugni à mezu pettu.
- Aprili, desfa purcili. (Frassetu) (Variante :... spigni purcili.)
- Aqua corri è sangui strigni. (Frassetu)
- Aqua d'aostu, oliu e mostu. (Frassetu, Laretu-di-Tallà)
- Aqua di luddu, ùn faci bè à nudda. (Laretu-di-Tallà)
- Aqua minuta, ghjugni à l'ossu è un hè criduta. (Frassetu) Variante :... ghjugni à i carri
- Aqua ruza di Cuzzà, fala in Frassetu è si ni va. (Pila-Canali).
- Arca da mani, attigni i funtani. Arca da sera, spanna li veli. (Laretu-di-Tallà)
- Arcu di sera, bel' tempu si spera.
- Arechja manca arechja franca, arechja dritta arechja fritta.
- Aria rossa à la marina, piscia e soffia à la matina.
- Aspettà e un benì; stà in lettu e un durmì; fà l'amore e un gudì; sò dulori da murì. (San Lurenzu)
- Azilonu, fiori di cantonu. (Azilonu)
- Azilonu, pocu hè bonu. (Azilonu)
B
- Babbi e mammi tonti, figlioli astuti. (Azilonu)
- Balanini, unti e fini.
- Balaninu untu e finu. (San Lurenzu)
- Bastia, Bastia a ch'un ha soli un ci stia.
- Bellezza ùn si ne magna.
- Bonghjornu li si dice anch'à un cane. (San Lurenzu)
C
- Cacciù, piscù, debiti in casa e pezze à u culu. (Santa Reparata di Balagna)
- Calasima, Calasima induve u sole s'alza in prima, duve u sole si cala dopu e Calasima hè sempre à u locu. (San Lurenzu)
- Calcatoghju, pocu cena è micca alloghju.
- Campa scuffia, chi barretta passa e veni. (Azilonu) a scuffia = la coiffe
- Cane abbaghja e porcu magna.
- Cani chì abbaghja ùn mordi micca.
- Cane chì abbaghja ùn piglia caccia. (San Lurenzu)
- Cantà è purtà a croci, ùn si pò.
- Casa senza patrone, hè nave senza timone.
- Carnivali in balconu, Pasqua à u tizzonu. (Laretu-di-Tallà)
- Carti ghjòcani e ghjucadori si vanta. (Azilonu, Frassetu)
- Casi frà li casi e vigni frà li vigni. (Frassetu)
- Cavaddu di trenta, mai piu ch'eddi ci n'entri. (Azilonu, Frassetu)
- Cavallu vechju ùn muta andatura, s'ellu a muta pocu dura.
- Cavaddu vechju, zecchi e moschi. (Frassetu, Laretu-di-Tallà)
- Centu casi, centu milla miserii. (Pila)
- Ch'eddu durghi tantu u mal'vicinu Quant'edda dura a nevi marzulina. (Laretu-di-Tallà)
- Ch'un s'aiuta s'annega. (San Lurenzu)
- Chè lu mal' vicinu un durghi chè quant'è a nevi marzulina. (Frassetu)
- Chì à vint'anni ùn hè, e a trenta ùn sà, mai più hè statu e mai più serà. (San Lurenzu)
- Chì campa spirendu mori caghendu. (Azilonu, Frassetu)
- Chi càusa ha la gatta Si a patrona hè matta. (Frassetu)
- Chì cerca trova. (Azilonu, Frassetu)
- Chi ci hè di più neru chè a paredda. (Azilonu)
- Chì cù la spada ferisci per la spada perisci. (Azilonu)
- Chi di ghjaddina nasci in terra ruspa. (Azilonu, Frassetu)
- Chì di piombu tomba, di piombu mori. (Frassetu)
- Chì disprezza, compra. (Frassetu)
- Alternative 1: Chì disprezza vol' cumprà. (Azilonu)
- Chì ha bisognu di u focu, u piglia in manu.
- Chi hà da fà a ghjatta s'è a patrona hè matta. (Azilonu)
- Chì mali ùn faci mali ùn aspetta.
- Chì male fonda male accima. (San Lurenzu)
- Chi muta, muga. (Azilonu, Frassetu)
- Chi nasci, pasci. (Frassetu)
- Chi pocu tene, caru tene.
- Chi posa mal' pensa. (Azilonu, Frassetu)
- Chì prima ghjugni prima macina.
- Chì ride troppu in ghjuventù, pienghje in vechjaia. (San Lurenzu)
- Chi s'ammorcia in u ghjocu, deve mette u culu a u focu. (San Lurenzu)
- Chi si chjina incu i ziteddi s'arrizza camisgimerdosu.
- Alternative 1: Chi si chjina incu i ziteddi s'arrizza u culu merdosu. (Azilonu, Frassetu)
- Alternative 2: Chi si chjina cu i ziteddi s'arrizza culimerdosa. (Ghjannucciu)
- Chi t'hà solda e amicizia Torci u nasu à a ghjustizia. (Azilonu, Frassetu, Ghjannucciu, Laretu-di-Tallà)
- Chì t'abezza ti sbezza. (San Lurenzu)
- Chi ùn face male, ùn ha paura.
- Chì un invechja Hè pena di vita. (Azilonu, Frassetu)
- Chì ùn spera s'addispera.
- Chi va e volta, bon' viaghju faci. (Azilonu, Frassetu)
- Chi va e volta, bon' viaghju ha fattu. (Laretu-di-Tallà)
- Chi va pianu va sanu è chi va sanu va luntanu. (Frassetu)
- Chì vadagna in prima mani Si ni va à calzi in mani. (Frassetu)
- Chì veghja à a luna dorme à u sole. (San Lurenzu)
- Chì vò avanzà u so vicinu si chjina prestu è s'arrizza matina. (Pila)
- Chi vo fà anguìdia à u so vicinu Si chinghi prestu e s'arrizza matina. (Laretu-di-Tallà)
- Chì vole campa solu piglii a machja. (San Lurenzu)
- Chì voli l'armi e i so bisogni, i porta di cuntìnuu. (Laretu-di-Tallà)
- Ci vò à batta u farru quand'hè caldu.
- Ci vò à piglià a muneta cum'ella passa.
- Ci vò à piglià a vita cum'ella veni.
- Ci vò à spulà quandu ci hè ventu.
- Ci voli à lacà u fusu à chì n'hà l'usu. (Frassetu)
- Ci voli à nascia par pascia. (Azilonu)
- Ci voli à taglià si par senta i peni dulurosi.
- Ciò ch'edda faci a mani dritta, un devi veda a mani manca. (Azilonu)
- Ciò chi hè scrittu in celi segui in terra. (Azilonu, Frassetu)
- Ciò chi un tomba ingrassa. (Frassetu)
- Ciò chi teni à luna vecchja, ciò chi sfronda à luna tonda. (Azilonu, Frassetu)
- Ciriola, Ciriola, s'eddu venta o s'eddu piovi, di l'invernu semu fora. E s'edd' hè beddu tempu, par trenta semu drentu. (Azilonu)
- Com'hè corcia a panca indù un ci posa barba bianca. (Azilonu, Frassetu)
- Com'hè corcia quidda sporta chì nùn faci arrega e porta. (Azilonu)
- Corciu à chi un ha à nimu. (Azilonu, Frassetu)
- Corpilonghi Auccianesi.
- Cosa fatta, loda la ! (Frassetu)
- Cristu un paga micca tutti i vènnari sera. (Azilonu, Frassetu)
- Cuccu, cuccheddu d'arba turchina Quantu aghju da stà Anni fantina. È ti docu pinna è calamaru Quantu aghju da stà anni A barcà lu mari. (Laretu di Tallà)
- Cucini di terzu hè a più bella parintia:un hannu nulla à sparte.
- Cunsigliu di topa e dannu di farina. (Azilonu, Frassetu)
D
- D'appressu a matina, si vedi a sirata.
- D'omu chi ride e donna chì pienghje un ti ne fidà. (San Lurenzu)
- Da dì à fà, hè com'è da tonda à filà. (Azilonu, Frassetu)
- Da parè ad essa, hè com'è da orda à tessa. (Azilonu, Frassetu)
- Di ciò chè tù senti ùn ni creda micca, di ciò chè tù vedi ùn ni creda cà a mittà. (Pila)
- Di dà ciò ch'un s'hà, hè sempri carità. (Azilonu)
- Di dui liticanti, un terzu ni prufita.
- Di fà ciò chi hè fattu, ùn hè piccatu. (Azilonu, Frassetu)
- Di u cateddu tontu, a volpi si ni sfaci. (Azilonu)
- Di u tempu e di u guvernu, un ti n'accupà. (Frassetu)
- Diu ti vardi di un bon' ghjinnaghju. (Azilonu, Frassetu)
- Donna chi posa mal'pensa. (Merusaglia)
- Donna, dannu. (Ghjannucciu)
- Donne, cavalli è noce volenu mane atroce. (San Lurenzu)
- Donne, fucili è cavalli un cunvene d'imprestà li. (San Lurenzu)
E
- E cose torte strappanu.
F
- Fà à parera e tèni ti à tè. (Azilonu)
- Fasgiulini fini fini, poma d'oru e schiassulà. (Laretu-di-Tallà)
- Fatti di notti, risi di ghjornu. (Frassetu, Laretu-di-Tallà)
- Felicetu, Felicetu assai ogliu e micca acetu. (San Lurenzu)
- Ferraghju, Ferraghjettu, cortu e maladetu. (San Lurenzu)
- Figlioli chjughi, pinseri chjughi.Figlioli maiori, pinseri maiori. (Azilonu, Frassetu)
- Figlioli di gatti un nascenu senza unghje. (San Lurenzu)
- Fin'tantu ch'elle sò zitelle, parenu anghjulele; dopu maritate sò indiavulate. (San Lurenzu)
- Fiori di mintucciu, più dicu torra da, più mi s'incuccia. (Azilonu)
- Focu d'alzu, focu falsu. (Azilonu)
- Fora u denti, fora a pena. (Frassetu)
- Frivaghju, t'hà setti barretti. (Frassetu, Zevacu)
- Frivaghju, frivaghju di setti barretti. Una a caccia è quidda altra la metti. (Pila)
- Frivaghju, ùn lacà di fà u to viaghju. (Zevacu)
- Furciolu, forca. (Azilonu)
- Furia di mane, asgiu di sera. (San Lurenzu)
- Furtuna male acquistata, prestu ruvinata.
G
- Galant'omi sò Piracci.
- Ghjaddina ch'un becca biccattu hà. (Azilonu, Frassetu)
- Ghjàgaru abbaghja e boiu pasci. (Azilonu, Frassetu)
- Ghjiru monti, ghjiru castedda, trovu maritu, ma un trovu frateddu. (Laretu-di-Tallà)
- Ghjumenti pudditrata un bii mai aqua linda. (Azilonu, Frassetu)
- Ghjuntu u timpurali i ghjàcari facini a so casa. (Azilonu)
- Guagnese, Guagnese, amicu d'un mese e sè più dura hè contra natura. (San Lurenzu)
- Guargualè, Guargualè, Ghjàrgala era e ghjàrgala hè. (Frassetu)
H
- Hè com'e i sgiò di la Rocca, mori fumu e pocu arrostu. (Azilonu)
- Hè l'ochji di u patronu chì ingrassa u cavaddu. (Azilonu, Frassetu)
- Hè megliu à cumprà mali chè à venda bè. (Cavru)
- Hè megliu à stà accantu un cacadori, cà accantu un zuccadori. (Frassetu)
- Hè meghju à travaglià indarnu ca pusà indarnu.
- Hè mègliu ad essa solu cà mali accumpagnatu. (Frassetu)
- Alternative 1: Mègliu solu ché mali accumpagnatu. (Azilonu)
- Hè megliu dui ferti chè un mortu.
- Hè megliu ghjenti ca arghjentu. (Azilonu, Frassetu)
- Hè megliu pocu chè micca. (Azilonu, Frassetu)
- Hè megliu ricumandà si à Diu chè à i so santi.
- Hè megliu una donna di casa ca una casa di donni.
I
- I corbi cù i corbi e i currachji cù i currachji. (Frassetu)
- I funi longhi diventani sarpi. (Azilonu, Frassetu)
- I guai di a pignatta Un i sà cà u cuchjaronu. (Variante :... Un i cunnosci cà a cuchjara.) (Frassetu, Ghjannucciu)
- Alternative 1: I guai di a pignatta Un i cunnosci chè a cuchjara. (Azilonu)
- I morti incu i morti e i vivi incu i vivi. (Azilonu, Frassetu)
- I muntona frassitani.
- I parenti Sò i denti. (Azilonu, Frassetu)
- I nostri pruverbi so santi è ghusti. (Òlcani)
- I più beddi peri i màngnani i porchi. (Frassetu)
- I porchi si bàsgiani, annata di ghjandi. (Frassetu)
- I solda sò tondi e capùlani. (Azilonu)
- I solda un vènini micca cantendu. (Azilonu, Frassetu)
- In a matinata, si vedi a ghjurnata.
- In bucca chjusa un n'entri musca. (Laretu-di-Tallà)
- In cumpagnia, u frati presi moglia. (Azilonu, Frassetu)
- In ghjesgia grandi un crepa preti. (Laretu-di-Tallà)
- In ogni lettu, ci hè pulgi. (Frassetu)
- In i Pinticosti, chì un l'affesta li costa. (Laretu-di-Tallà)
- In li paesi soii e vacche vincenu i boi. (San Lurenzu)
- In terra chè tù vai, fà usu chè tù trovi. (Pietralba)
- In u pratu un cacà, in u boscu un parlà. (Merusaglia)
- Ind'a coda ci sta u vilenu.
- Ind' eddu un ci n'hè, Diu purveddi. (Frassetu)
- Ind' eddu un ci n'hè ùn ci n'entri. (Azilonu, Frassetu)
- Indù l'àsinu mori, u pelu ci resta. (Frassetu)
- Intrutu ghjinnaghju, porta u boiu à u scupaghju. (Laretu-di-Tallà)
- Isciuta vindèmia, appicca a sporta. (Frassetu)
J
L
- L'aqua si ni va sempri à u mari. (Pila)
- L'aqua va à u mare. (Merusaglia)
- L'atti ùn so micca i fatti.
- Lacrima di donna hè funtana di malizia. (Frassetu)
- Laga u buddenti è succorri l'appartenti. (Frassetu)
- Lega mi mane e pedi e lampa mi à mezu à i mei. (Santa Reparata di Balagna)
- L'amori hè cecu. (Frassetu)
- L'ànima à Diu, è a ropa à chi si devi. (Frassetu)
- L'ànima à Diu, u corpu à a terra. (Azilonu)
- L'aqua sfonda i ricci. (Azilonu, Frassetu)
- L’acqua fa fanga,u vinu fa bon sangue. (Òlcani)
- L'aqua va à u mari. (Azilonu, Frassetu) (Variante :I vadini vani à u mari.)
- L'arti di Micalassu: mangnà, bia e andà à spassu. (Azilonu)
- L'imbroglii sò in a sacchetta. (Lugu-di-Nazza)
- L'ochji sò d'aqua.
- L'omu pruponi è Diu disponi. (Laretu-di-Tallà)
- L'oru casca ind'a fanga è luci sempri.
- L'ottu d'aprili, u cuccu si devi sentire. S'eddu un si senti, hè mortu o per murire. (Frassetu)
- Alternative 1: L'ottu d'aprili, u cuccu devi venire. S'eddu un veni lu diciottu, u cuccu hè mutu o hè mortu. (Azilonu)
M
- Machjaghjoli sò veracci.
- Maghju urtulanu assai paglia è pocu granu.
- Mamma scagna è ghjatta mangna. (Azilonu)
- Mangna à to gustu è vesta ti à gustu di l'altri.
- Mani ch'ùn prendi, a casa u rendi.
- Mariteddu tamant'è un ditu Ièddu voli essa rivaritu. (Frassetu)
- Marzu, Catarzu, figliolu di mangnonu M'ha presu tutti i me agneddi e un m'ha lacatu cà un agnonu. - O Aprì, u me frateddu, dà mi ni dui chì un l'aghju da par mè (Zevacu) Mangnonu hè u mesi di frivaghju. I dui ghjorna sò i pristaticci.
- Marzu, Catarzu, figliolu di mangnonu M'ha presu tutti i me agneddi e i mè agnona. - O Aprì, lu me frateddu, presta mi ni dui chì aghju da fà penta u falsu picuraghju. (Frassetu)
- Marzu siccu par u bugnu e par u beccu. (Laretu-di-Tallà)
- Marzu piuviosu, bugnu varmicosu è bèccu muccicosu. (Laretu-di-Tallà)
- Matinati di maghju è sirintini di ghjinnaghju. (Laretu-di-Tallà)
- Matrimonii e viduvali sò dal celi distinati. (Azilonu, Frassetu)
- Matrimoniu sittimbrinu o vèduvu o mischinu. (Azilonu, Frassetu)
- Megliu morti chè storti. (San Lurenzu)
- Megliu oghje l'ovu ch'è dumane a ghjallina.
- Mi tagli, mi puti. Mi brusgi, mi suvi. (Zevacu)
- Miseria e puvertà sòn dui sureddi è scuncertina hè la cucin' carna. (Azilonu)
- Moitinchi cori finti. (San Lurenzu)
- Morghi chi morghi Cantà vogliu eiu. Quand'e morgu eiu Canti chi vogli. (Azilonu, Frassetu)
- Mori più capretti chè capri vechji. (Frassetu)
- Mori più agnedda ca muntona. (Laretu-di-Tallà)
- Mortu pinzutu, appinza ti ni un antru. (Azilonu, Frassetu)
- Mortu u boiu, chjosu u pagliaghju.
- Mortu u Cristu, spintu u lumu. (Azilonu, Frassetu)
- Mossu la verra, bucia quant'è terra. (Laretu-di-Tallà)
- Innanzi chè micca, maritu vechju. (Azilonu, Frassetu)
N
- Nant'u cavallu mugatu ci vanu tutte e mosche. (San Lurenzu)
- Nanzi ghjunta la so ora, nè si nasci nè si mori. (Azilonu, Frassetu)
- Natali à u balconu, Pasqua à u fuconu. (Azilonu, Frassetu)
- Natali in balconu, Pasqua à u ziddonu. (Laretu-di-Tallà)
- Natali à u ghjocu, Pasqua à u focu. (Azilonu, Frassetu)
- Natu a parsona, natu u distinu. (Frassetu)
- Nè essa nè fà si hè quant'e à ghjittà si. (Azilonu)
- Nè in vènnari nè in luni Un dà principiu à a to funi. (Frassetu)
- Alternative 1: Nè vènnari nè luni Un cumincià a to funi. (Azilonu)
- Nè spiziale nè duttore pò guarì u mal' d'amore.
- Nè ziteddi nè cateddi ùn avvizzà à u to scudeddu. (Frassetu)
- Ni mori più grassi chè passi.
- Nipoti allevati, soldi ghjittati!
O
- O ben' tusu o mal' tusatu, in quattru ghjorna hè appariatu. (Laretu-di-Tallà)
- O Signori Feti ci pastori in a branata è purcaghji in invirnata. (Azilonu, Frassetu)
- Ochju ch'un vede un po ghjudicà. (San Lurenzu)
- Oghji eiu, dumani tù. (Azilonu, Frassetu)
- Ogni cecu piegni i so ochji. (Azilonu, Frassetu)
- Ogni ghjatta t'hà a so coda. Ghjatta ci hè ma coda un n'hà. (Azilonu, Frassetu)
- Ogni sèculi e centunari, l'aqua volta à li so canali. (Azilonu)
- Ogni tontu t'hà u so filu. (Azilonu, Frassetu)
- Ognunu bii incu a so bocca. (Frassetu)
- Ognun' chì piscia arrittu à u muru Hà lu ficu par sicuru. (Azilonu)
- Ognunu piegni incu i so ochji. (Frassetu)
- Ognunu sa ciò chi boddi in a so pignatta. (Azilonu, Frassetu)
- Ognunu tira l'aqua à u so mulinu.
- Ognunu vedi meziornu à a so porta.
- Omi, cani e cavalli, piglia li di razza. (San Lurenzu)
- Omu dormi e carta veghja. (Azilonu)
- Ora vivu ora mortu. (Azilonu, Frassetu)
P
- Pàghani i chjughi par i maiori. (Azilonu, Frassetu)
- Pani e parnici: affari di casa un si ni dici. (Frassetu)
- Par cunnoscia la ghjenti, ci voli à mangnà una somma di sali insemu. (Frassetu)
- Par maghju o par maghjonu, ùn ti caccià u to pilonu. (Azilonu, Frassetu, Laretu-di-Tallà)
- Par un colpu un casca l'arburi. (Azilonu, Frassetu)
- Par via di u patronu si rispeta u ghjàgaru. (Frassetu)
- Alternative 1: Par via di u patronu si rispeta u cavaddu. (Azilonu, Frassetu)
- Par viaghju s'acconcia a somma. (Azilonu, Frassetu)
- Parola data è petra lampata ùn si ripiglianu più.
- Passatu Sant' Andria, capula Cioccia è Pialaghini. Passatu Natali, capula Cioccia è Signali. (Laretu di Taddà)
- Pastasciuta e macarona, più sò caldi più sò boni. (Frassetu)
- Patti chjari, amici cari.
- Pé fà sente à a ghjente a vostra verita sperate pocu aiutu sè vo fate pietà. (San Lurenzu)
- Pècura nera e pècura bianca. À chì mori mori, à chì campa campa. (Azilonu, Frassetu, Laretu-di-Tallà)
- Pecura bianca pecura nera parti a mane è volti a sera. (San Lurenzu)
- Per dorme o per vighjà in lettu hè un bellu stà. (San Lurenzu)
- Perchè l'amicizia tenga, ch'una manu passi è l'altra venga.
- Piglia muglieri, chì affrinarè.
- Piglia u mondu cum'ellu veni, è a muneta cum'ella và.
- Pigna, Curbara: sciocchi ùn si ne para. (Curbara)
- Pigna è Curbara tutti sciocchi e una para. (San Lurenzu)
- Prima sò eiu, eppo dopu u me figliolu. (Lugu-di-Nazza)
- Più hè parenti e più ghjentri. (Frassetu)
- Più pècuri, piu mocci.
- Più pendi è più rendi. (Pila)
- Più si campa e più si n'impara. (Azilonu, Frassetu)
- Più si campa e più si ni vedi. (Azilonu, Frassetu)
- Poni in terra e spera in Diu. (Azilonu, Frassetu)
- Prigheti par i beddi ch'è i mali a si stàntani. (Azilonu )
- Prima ghjugna, prima tigna. (Pila)
- Prima pensa à tè, dopu a l'altri. (San Lurenzu)
Q
- Quand'è Pisa fù brusgiata, piuvì trè notti e trè ghjorni. (Azilonu )
- Quand'è tù credi d'essa à cavaddu un sè mancu à pedi. (Frassetu)
- Quandu a pràscula fiurisci e matura I ghjorni e i notti sò d'una misura. (Frassetu)
- Quandu a presca fiurisci e matura Da li notti à li ghjorna sò d'una misura. (Laretu-di-Tallà)
- Quandu canta la cigala, u purcaghju piègni e para. Quandu canta la ranochja, lu purcaghju si spidochja. (Laretu-di-Tallà)
- Quandu ellu canta lu cuccu, muta pèlu lu singhjari. È la gallina faci l'ovu, senza mancu nidicali. È lu beccu inchjirchja i corra, Chì ni pari un ginirali. (Laretu-di-Tallà)
- Quandu ellu piovi e faci lu soli, tandu la vulpi faci l'amori. (Laretu-di-Tallà)
- Quandu da la forza à la raghjoni cuntrasta, vinci la forza e la raghjoni ùn basta. (Laretu-di-Tallà)
- Quandu si sente tunà in qualchì locu piove. (San Lurenzu)
- Quandu u boie un vole beie ùn ci hè bisognu di fiscà. (Santa Reparata di Balagna)
- Quandu u ghjàcaru invechja, a volpi li piscia addossu. (Azilonu, Frassetu)
- Quandu u porcu hè tecchju si volta a trova. (Azilonu, Frassetu, Laretu-di-Tallà)
- Quandu u soli hè in Azilonu, mangna puri u to bucconu. (Azilonu, Frassetu)
- Quandu u soli tramonta, u pultronu s'appronta. (Azilonu, Frassetu, Laretu-di-Tallà)
- Quandu veni u mesi di maghju, à la donna li cresci lu pèlu. È lu cazzu pidda curaghju. (Laretu-di-Tallà)
R
- Ronchi samirini ùn còddani in celi. (Frassetu)
- Alternative 1: *Ronchi samirini un ni codda in celi. (Azilonu)
- Roba di Scolca, roba di forca. (Scolca)
- Ropa chi un hè vista, un po essa stimata. (Frassetu)
- Russura à a marina, soli caldu a matina.
- Russura à la marina, bon' tempu la matina. Russura à la muntagna, aqua e ventu à li calcagna. (Azilonu, Frassetu)
S
- S'eddu suniteghja in Capu di Staghju, lascia puri u granu in arghja. S'eddu suniteghja in Capu di Muru, metti lu à u sicuru. (Azilonu )
- S'ochju un vede core un vole. (San Lurenzu)
- Saccu biotu un pò stà rittu. (Azilonu, Frassetu)
- Alternative 1: *Saccu biotu un teni rittu. (Laretu-di-Tallà)
- Saccu biotu un pò stà rittu, troppu pienu un si pò torcia. (Ghjannucciu)
- Saccu pienu un pò piigà. (Azilonu, Frassetu)
- Saccu piènu un si pò torcia. (Laretu-di-Tallà)
- Sameri chi grogna, ùn ti fà vargogna. (Frassetu)
- San'Niculò, San'Niculò Piuvarò o nivarò ma calcosa farò. (Pila)
- Sangue, da e petre ùn si ne pò caccià. (San Lurenzu)
- Santa Maria, Sichè A chi un hè latru un ci stà bè. (Azilonu, Frassetu) (Variante :Sichè, Santa Maria A chi un hè latru un ci stia.)
- Sapiutu la trè, sapiutu lu rè. (Azilonu )
- Scarzzicabugnu son' cuttulesi.
- Scemu compiu à chì move quandu ellu soffia o quandu piove. (San Lurenzu)
- Scherza cù i fanti è micca cù i santi.
- Scornaboi mezanacci.
- Scornaboi sò Peracci.
- S'é Bastèlica t'avia u portu, Aiacciu saria l'ortu. (Frassetu)
- Alternative 1: Sé Bastèlica avia un portu, Aiacciu accantu era un ortu. (Azilonu)
- S'è i guai si mittiani à u soli, ognunu si ripigliaria i soi.
- S'è tù n'hai, ùn ni mangni.
- S'è u ghjòvanu vulissi e u vechju pudissi. (Frassetu)
- S'è u mari fussi vinu, quantu ci saria briaconi. (Ghjannucciu)
- S'eddu suniteghja in Capu di Staghju, lascia puri u granu in arghja. S'eddu suniteghja in Capu di Muru, metti lu à u sicuru. (Frassetu)
- S'hà più bisognu di soldi ca di cunsigli.
- Serate di ghjennaghju è ghjurnate di maghju. (San Lurenzu)
- Setti, u sciffru di i buciardi.
- Si lavora è si fatiga, per la panza è per la figa.
- Si sbaglia ancu u preti à l'altari. (Azilonu, Frassetu)
- Si piglia prima un bugiardu chè un zoppu. (San Lurenzu)
- Sia mali o sia bè, Cristu un dici par quistu hè. (Azilonu )
- Sin' à Natali, nè fritu nè fami. Dopu Natali, fritu è fami. (Laretu di Taddà)
- Sin'à San'Martinu, fà caccia e metti vinu. Passatu San'Martinu, succedda lu to vinu. (Laretu di Tallà)
- Sò e mamme chi facenu e figliole. (San Lurenzu)
- Solda è bastunati, ùn si ni pidda mai senza cuntà li.
- Soldu di pòvaru omu e cuglia di ghjàcaru, un si ni poti mai piattà. (Frassetu)
- Spezza u tempu in San' Bartolu. (Frassetu)
- Sparti ricchezza e torra puvertà. (Azilonu, Frassetu)
- Sproni mei e cavaddu di l'altri. (Azilonu, Frassetu)
- Stramunchjati carbuccesi.
- Suddacarò, corpu sì, anima nò.
T
- Tal calzu, tal magliolu. Tal babbu, tal figliolu. (Frassetu)
- Tanti paesi, tante usanze.
- Tantu ch'eddu ci hè vita, ci hè speranza. (Frassetu)
- Tantu da casa meia cà da casa toia. (Lugu-di-Nazza)
- Tempu scuru, puzza l'ugliata. (Muratu)
- Tigliolu, ti vogliu. (Zigliara)
- Tinta quidda panca dund'un ci posa barba bianca. (Ghjannucciu)
- Tintu à chì hè ziteddu Chì ùn ha barba à u baveddu. (Pila)
- Tintu à chi l'hà a so cena à u fiumu. (Laretu-di-Tallà)
- Tira più un pelu di muzza in cuddata Cà dui paghji di boia in falata. (Frassetu)
- Alternative 1: Tira più un pelu di muzza in cuddata Cà un paghju di boia in falata. (Azilonu)
- Tocca e lecca ó Antò chi hè festa, sempri tocca e mai n'arresta. (Azilonu)
- Tra a menta e u puleghju, un hè male e l'altru peghju. (San Lurenzu)
- Tradittori sò Veracci.
- Tradittori sò Piracci.
- Trè pignatte à u focu, hè festa ! Trè donne in casa hè gran'timpesta!
- Tràmula di ghjugnu, alivi in pugnu. (Azilonu)
- Travaglia à chì t'hà fami.
- Tuttu lacatu hè persu. (Frassetu)
- Tutti i ghjorna si n'impara. (Azilonu)
==U==ùn hè micca tutti i ghjorni festa d'azilonu
- U bè di l'avaru u si magna u furfanti. (Azilonu, Frassetu)
- U bè di luntanu si ferma par istrada. (Laretu-di-Tallà)
- U boiu chi un vo bia hè un gattivu zifulà. (Frassetu, Laretu-di-Tallà)
- U candidatu prummetti piu casgiu ch'è pani. (Azilonu, Frassetu)
- U cavaddu ghjastimatu, u pelu li luci. (Frassetu)
- A u cavaddu ghjastimatu, li luci u pelu . (Vicu)
- U celi à volta di pani, s'eddu un piovi oghji, piovi dumani. (Frassetu)
- U corbu dici chi u più beddu piulaconu hè u soiu. (Azilonu)
- U cuccu S'ellu un canta lu diciottu O ellu hè persu o ellu hè mortu. (Laretu-di-Tallà)
- U diàuli apri a caddi è si sminteca di sarrà la. (Pila)
- U discorsu hè beddu è bonu ma arruvina u povaru omu. (Pila)
- U discorsu porta l'omu à a forca. (Azilonu, Frassetu)
- U duttore passa e vene, à chì ha u male u si tene. (Òlcani)
- U fretu di marzu ghjentri in u corru di u boiu. (Frassetu)
- U ghjacaru chi suvita, un ha bisognu di dà li u bucconu. (Laretu-di-Tallà)
- U lucchesu un hè sicuru Ca incu u so uncinu à u culu. (Frassetu)
- U mari accoglii i vadini. (Azilonu)
- U megliu oru hè quiddu chi piega. (Frassetu)
- U mittiticciu va da a porta à u balconu. (Azilonu)
- U mondu hè fattu à scala. À chì codda e à chì fala. (Azilonu, Frassetu, Ghjannucciu, Lugu-di-Nazza)
- U peghju calciu hè quiddu di u cavaddu mansu. (Azilonu, Frassetu)
- U piu beddu ceppu, teni lu à maghju. (Frassetu)
- Alternative 1: U piu beddu ceppu, teni lu par maghju. . (Azilonu)
- U sameri chi un vo bia hè un gattivu zifulà. (Variante :U boiu...) (Azilonu, Frassetu)
- U Signori à qual' eddu ama, tocca. (Azilonu )
- U Signori dà a ropa à chi un ha denti. (Frassetu)
- U Signori dà u biscottu à quiddu chi t'hà i denti. (Azilonu, Frassetu)
- U Signori dà u fretu sicondu i panni. (Azilonu, Frassetu)
- U signore un paga micca tutti veneri, ma quand'ellu paga, paga tuttu à tempu. (San Lurenzu)
- U sole, ind'ellu un luce un scalda. (Merusaglia)
- U soli marzulinu Di i donni fà strascinu. (Frassetu) (Variante :...Di i beddi donni ni faci u strascinu. ; Altra Varianta : U sole marzulinu, di l'omi ne fà un strascinu, e di e donne un coghju vacinu.)
- U soli sorti par tutti. (Frassetu)
- U tassu : Durgu trè centu anni. Trè verdi, siccu e passu. (Laretu-di-Tallà)
- U techju ùn credi u famitu. (Azilonu, Frassetu, Laretu-di-Tallà)
- U troppu bè s'arrivolta. (Azilonu, Frassetu)
- U troppu stroppia.
U vinu face parlà. (San Lurenzu)
- Un babbu e una mamma addèvani deci figlioli. È deci figlioli un poni tena un babbu e una mamma. (Frassetu)
- Un chjameti povar'omu à chì t'hà un chjosu in Valgonu. (Furciolu)
- Un ci hè sàbatu senza soli comu donna senza amori. (Azilonu, Frassetu)
- Ùn ci hè scianza ca per canaglia.
- Un disordini Faci un ordini. (Azilonu, Frassetu)
- Un fà mali chi hè piccatu. Ma un fà bè chi hè ghjittatu. (Azilonu, Frassetu) Variante :...chi hè mancatu.)
- Un ghjudicà a to vita Fin à l'òpara finita. (Frassetu)
- Un hè a brinna ch'empie u fossu. (San Lurenzu)
- Un hè bella quella sporta chì arrega è nùn porta. (Laretu-di-Tallà)
- Un hè bellu quel' chi hè bellu, quantu hè bellu quel' chi piaci. (Frassetu)
- Un hè micca tutti i ghjorni festa. (Azilonu, Frassetu)
- Un hè micca sempri festa in Àmpaza. (Frassetu)
- Un sumeru un sarà mai un cavallu di corsa.
- Un si mori chè una volta. (Azilonu, Frassetu, Laretu-di-Tallà)
- Un si po dì "prruci" senza labbri. (Frassetu)
- Un si po fà "prrù" senza labbri. (Azilonu)
- Un si po dorme e fà a guardia. (San Lurenzu)
- Un si po fà u passu più longu chè l'infurcatura. (Frassetu)
- Un si po fà u passu più largu chè a ghjamba. (Azilonu)
- Un si po purtà a croce e fà dinù bella voce.
- Un si po tena i dui pedi in u scarpu. (Frassetu)
- Alternative 1: Un si po stà di dui pedi in un' scarpu. (Azilonu)
- Ùn suniteghja ch'ellu ùn piovi.
- Un ti fidà di u pidochju rifattu. (Azilonu)
- Alternative 1: Un ti fidà di u viddanu rifattu. (Azilonu)
- Un ti rida di u mè dolu. Quandu u meiu hè vechju, u toiu hè novu. (Azilonu, Frassetu)
- Un trema una foglia chì Diu nùn voglia. (Azilonu)
- Una bella famiglia cumencia sempre per una bella figlia. (San Lurenzu)
- Una casa, si sa qual'hè chi a faci ; un si sa quiddu chi l'ha da goda. (Frassetu)
- Alternative 1: Una casa, si sa qual'hè chi a faci ; un si sa qual'hè chi a godi. (Azilonu)
- Una donna faci è sfaci una casa. (Azilonu, Frassetu, Pila)
- Una lingua si cheta, un populu si more. (Òlcani)
- Una mani lava l'altra e tremindù làvani u visu. (Laretu-di-Tallà)
- Alternative 1: Una mani lava l'altra e i dui làvani a faccia. (Azilonu )
V
- Vale più un sumere vivu chè un duttore mortu. (San Lurenzu)
- Vali più un tontu à fattu soiu cà centu astuti à quiddi di l'altri. (Azilonu, Frassetu)
- Vargualè, Vargualè: Ghjàrgala era e ghjàrgala hè. (Azilonu)
- Verbi volen, scritti manen. (Aiacciu)
- Vesti un bastonu, pari un baronu. Vesti una tama, pari una dama. (Azilonu, Frassetu)
- Vistu l'omu, vistu a raghjoni. (Azilonu, Frassetu)
Z
- Zigliara, focu e fiara. (Azilonu)
- Zoza di mala furtuna chì d'inguernu ùn vidi soli è d'istati ùn vidi luna. (Laretu-di-Tallà)